He huna media te zawhna chhangin MNYF President leh MLA nibawk Robert Romawia Royte chuan ZPM Thalaite'n he hna hi enho puiah ni 6 April 2026 daih tawh khan min sawm a.An sawmnaah chuan a hun ruatfela anmahni hriattir leh turin min ti a.Kei chuan atuk ni 7.4.2026 ah ziakin enho ni atan ni 13.4.2026 Zing dar 7:00am ka ruat a,ZPM Thalaite pawh hi ziakin ka hrilh thlap a ni. Ni 10, April 2026 a Press Release an siamah pawh an pawm ngei a. Mahse beiseiloh takin ni 11 April 2026 ah lehkha rawn ziakin a ni ngai tho dar 2:00pm ni se an ti ta daih a. Kan lo laklawh thui tawh avangin ni 13.4.2026 zing dar 7:00 a tihtlang tur a nih thu ni 12 April khan ziakin ZPM Thalai President ka hrilh leh bawk a, chutichunga ZPM Thalai  member pathum chauh an lo lang chu mak a tih thu a sawi.

Bawngkawna AMC field leh a bul kawngpui siam te, Pavillion leh Tanky tui Litre 400,000 leng siam te, Field tihzauh, drainage systems, Galleries siam te, Field fencing siam bakah PCC Road siamte hi a hunlaia AMC Engineer te bakah Bawngkawn LC te, GSA te leh Welfare te enpuinaa thawh a ni a. An sawi danin Kum 2021 chho vel atanga thawh niin Bill pawh pek vek tawh a ni a. Contractor ten an thawh that avangin dan angin Security Deposit pawh pek chhuah leh vek tawh a ni. Pu Roberta chuan AMC Sports Complex chu AMC hmalakna in Aizawla Field tha ber te zinga chhiar tel turin Phullem leh Floodlight siam tum a ni a ti.

He huna tel ve Dy Mayor kalchhuak Pu R.Thanglura pawhin thusawiin sum eiruk emaw a hna thawh tur thawh kimloh emaw engmah a awmlo a,tilang kim suh silova Cyclone Remal tihchhiat laite kawka video vival te kha thutak laka lak chi a nilo a ti.

AMC Corporator Pu Lalringliana pawhin AMC leh Bawngkawn khawtlangten AMC Sports Complex enkawlho tura Agreement an siam dan leh hnathawh lai pawha an enho fo dante, a hna in thenawmte fak pawh a hlawh ve a ni tiin thil hriat fuhloh vanga Bawngkawn veng tana hriat nuamlo thil ri fo chu pawi a tih thu a sawi.

Tukin hian program duan lawk angin MNF Thalaite hian SASCI sum lapse na project College vengah an tlawh bawk.Tukin hian MNF thalai 100 vel an pung khawm a ni.